Qərar və fəaliyyət sərhəd ətrafındakı vəziyyət kontekstində Paşinyan hakimiyyətinə verilmiş qiymətləndirmələr çərçivəsində genişlənərək, özünün hakimiyyətin uzaqlaşdırılmasına nail olmaqla bağlı məqsədlərinə görə müəyyən mənada güman edilən hala gəlsə də, hələlik məqsədlər formalaşdırılmayıb. Hər halda, erməni keşiş Tavusdan İrəvana doğru yürüşün “ümumxalq hərəkatı”na çevriləcəyini bəyan edirsə, o zaman bütün bunların minimum məqsədinin Ermənistanda parlamentin növbədənkənar seçkisinə nail olmaq olduğunu düşünmək lazımdır.
Ermənistanda müxtəlif siyasi qüvvələr və xadimlər Baqrat Srbazanın yürüşünü və onun hərəkatını dəstəklədiklərini açıqlayıblar. Tavusdakı etirazın faktiki olaraq Tavusu tərk etdiyi, ikinci mərhələyə, yəni artıq ümumermənistan mərhələsinə keçdiyi həqiqətən də diqqətəlayiq bir vəziyyət ortaya çıxır. Üstəlik, qeyd etmək lazımdır ki, faktiki olaraq bunun başlanğıcı Günəndə (Kirants) yolu bağlayan radikallara qarşı polis qüvvələrinin tətbiqi olub, bununla da yol açılıb və kəndə bitişik ərazilərin minalardan təmizlənməsinə başlanılıb.
Məlum olduğu kimi, 19 aprel tarixli Ermənistan-Azərbaycan müqaviləsi mayın 15-dək yerinə yetirilməlidir. Erməni keşiş mayın 9-da İrəvanda olacağını açıqlayıb. Azərbaycanla əldə olunmuş razılaşmalardan imtina etmək kimi təhlükəli ssenariyə başlamaq üçün 4 gün bəs edəcəkmi?
Yoxsa erməni kilsəsi razılaşmanı ləğv etmək imkanının olmadığını düşünür, əvəzində bunu hakimiyyətə qarşı proses yaratmaq, hakimiyyət dəyişikliyinə, ən azından növbədənkənar seçkilərə nail olmaq üçün fürsət, məqam hesab edir? Hazırda Ermənistanla bağlı müxtəlif konfiqurasiyaları nəzərdən keçirmək olar, amma bir şey şübhə doğurmur: məsələnin məzmunu və məntiqi, Ermənistan ətrafındakı vəziyyət və onunla bağlı qərarlar elədir ki, sadəcə olaraq əleyhdarlıq, qarşı çıxma yaratmaya bilməz.
Bunun əksi, yəni bütün bunların olmaması ictimai-siyasi orqanizmin ölmüş olmasının sübutu olardı. Digər tərəfdən isə radikal yanaşmalar müsbət nəsə vəd edə bilməz, çünki söhbət dövlətin taleyindən gedir, ona görə də əks siyasi məsuliyyətli məzmun olmasa, Ermənistan ciddi cavab verməli olacaq. Və biz görürük ki, hərəkata yüksək rütbəli bir din xadimi rəhbərlik edir və Erməni Apostol Kilsəsi ilahiləşdirilir. Lakin kilsə siyasi məzmun daşıyan siyasi quruluş ola bilməz.
Əlbəttə, Ermənistanda siyasi sistem o qədər böhran yaşayır ki, kilsə və onun ətrafında topladığı radikallar ön plana çıxır. Ermənistan kifayət qədər mürəkkəb və geosiyasi baxımdan mühüm regionda yerləşən dövlətdir və buna görə də bu dövlət daxilində radikalların yenidən hakimiyyətə gəlməsinə imkan vermək olmaz. Xarici oyunçular da buna imkan verməyəcəklər. Buna görə də Paşinyan məsuliyyətli davranmalı, qəti qərarlar verməli və radikalların yürüşü Tavusdan İrəvana çatana qədər dayandırılmalıdır.
Aqil Məmmədov
Ordu.az
